Gjykata e Tiranës ka caktuar masën e sigurisë Arrest me burg për Florian Plakun, I akuzuar për vrasjen e ish-policit Gentian Bejtja më 15 mars 2024, në oborrin e banesës së tij në prani të familjes. Florian Plaku njihet edhe me mbiemrin Mamo dhe Serjani. 42-vjeçari u vu në pranga pak ditë më parë nga forcat operacionale në një aksion të zhvilluar në ambientet e një hoteli në Orikum. Florian Plaku ka deklaruar para togave të zeza këtë të martë, se nuk ka lidhje me ngjarjen. Ai tha se para 10 ditësh kishte përdorur një makinë golf, dhe prandaj uniformat blu kishin shkuar tek ai. Flodian Plaku u përfaqësua në gjykatë nga avokati i caktuar nga gjykata, Edvis Gorishti i cili kërkoi një masë më të butë sigurie por që u refuzua.