SHBA po vepron pa u ndëshkuar dhe beson se fuqia e saj ka më shumë rëndësi se e drejta ndërkombëtare, i tha kreu i OKB-së BBC-së. António Guterres tha se "bindja e qartë" e Uashingtonit ishte se zgjidhjet shumëpalëshe ishin të parëndësishme. Ajo që ka rëndësi, vazhdoi ai, është "ushtrimi i fuqisë dhe ndikimit të Shteteve të Bashkuara sipas normave të së drejtës ndërkombëtare". Komentet e tij vijnë disa javë pasi SHBA goditi Venezuelën dhe kapi presidentin e saj, dhe në kontekstin e kërcënimeve të përsëritura të Donald Trump për të aneksuar Groenlandën. Guterres tha se besonte se parimet themelore të OKB-së, përfshirë barazinë e shteteve anëtare, tani ishin nën kërcënim. Presidenti Trump më herët ka qenë i ashpër në kritikat e tij ndaj Kombeve të Bashkuara. Ai e përdori fjalimin e tij në Asamblenë e Përgjithshme, vitin e kaluar për të vënë në pikëpyetje vetë qëllimin e saj, duke pretenduar se ai vetë kishte "përfunduar shtatë luftëra të pafundme" dhe OKB-ja "as nuk u përpoq të ndihmonte në asnjërën prej tyre".