Të hënën pati një përballje e fortë në Kuvend, pasi në seancë plenare kërkohej shumica e cilësuar e votave për Kodin Zgjedhor, pas miratimit të ndryshimeve kushtetuese. Të gjithë sytë u drejtuan te prezenca e deputetëve, ndërsa pikëpyetjet ishin nëse maxhoranca do të mund të sigurojë 84 vota, aq sa kërkohen për miratimin e ligjit tw ri zgjedhor. Në fakt janë disa ligje që duan shumicë të cilësuar në Kuvend, ose më saktë duhen votuar nga jo më pak se 84 deputetë. Neni 78 i Kushtetutës thotë se Kuvendi i miraton ligjet me shumicën e votave në prani të më shumë së gjysmës së të gjithë anëtarëve të tij, përveç rasteve kur Kushtetuta kërkon një shumicë të cilësuar. Një nga këto raste është neni 81, pika 2 e Kushtetutës, i cili rendit kategoritë e ligjeve për miratimin e të cilave kërkohet vota e tri të pestave të të gjithë anëtarëve të Kuvendit. Dhe bwhet fjalw pwr ligjin er organizimit dhe funksionimit tw institucioneve të parashikuara nga Kushtetuta; ligji për shtetësinë; ai për zgjedhjet e përgjithshme dhe vendore; ligji për referendumet; kodet; ligjin për gjendjen e jashtëzakonshme; ligji për statusin e funksionarëve publikë, ligji për amnistinë dhe ligji për ndarjen administrative të Republikës”.