Partia e ekstremit të djathtë Alternativa për Gjermaninë u vendos në qendër të akuzave nga një pjesë e ligjvënësve gjermanë për përhapje të propagandës ruse dhe minim të sigurisë. Debati parlamentar në Budnestag u zhvillua pas raportimeve të vazhdueshme se Rusia po zhvillonte në Gjermani fushata dezinformuese përmes partisë AfD. Politikania Irene Mihalic, nga radhët e Partisë së Gjelbër, tha se AfD-ja paraqet rrezik të sigurisë për shtetin gjerman pasi prapa saj fshihet presidenti rus Vladimir Putin. “Qoftë nëse është paguar ose jo, zonja dhe zotërinj, sa i përket lidhjeve të AfD-së me Rusinë e Putinit, kjo parti që një kohë të gjatë ka humbur pafajësinë e saj”. Kritikave iu bashkuan edhe socialdemokratët e qëndrës së majtë ata të CDU/CSU por dhe shumë parti të tjera. Akuzat u hodhën poshtë nga politikanët e AfD. Ligjvënësi, Stefan Keuter tha se gjithë kjo situatë është një “gjueti shtrigash” dhe se partia në të cilën ai bën pjesë nuk ka lidhje me Rusinë.