Gjykata e Posaçme ka rrëzuar kërkesën e Anterio Kaloshit, që kundërshtoi vendimin e Ministrisë së Drejtësisë që e izoloi në regjimin e ashpër të burgimit, njohur si 41 BISS. Nëpërmjet avokatit të tij i dënuari me burgim të përjtshëm kërkonte nga gjykata e posaçme shfuqizimin për shkak se nuk ka shfaqur as rrezikshmëri dhe nuk ka kryer shkelje brenda ambienteve të burgut. Gjykata pasqyroi disa dokumente të klasifikuara sekret ku flisnin për disa informacione mbi Anteroi Kaloshin dhe aktivitetin e tij brenda ambienteve të burgut të sigurisë së lartë të Peqinit. Sipas avokatit për Kaloshin janë përdorur mjete ekstraligjore në sigurimin e këtyre informacioneve. Megjithatë, gjykata nuk mori parasysh pretendimet e mbrojtjës dhe refuzoi kërkesën për kalimin e tij në regjimin normal të burgimit.