Princi Andreë i Britanisë së Madhe dhe Bill Clinton, janë mes figurave të profilit të lartë që përmenden në dokumentet e gjykatës amerikane, ku detajohen lidhjet e agresorit seksual që vrau veten në qelinë e burgut, Jeffrey Epstein. Të dhënat e sapo publikuara janë pjesë e dosjes gjyqësore kundër Ghislaine Maxëell, e dashura e Epstein, që është arrestuar nën akuzën se e ka ndihmuar atë të abuzojë me vajza shpesh edhe të mitura. Por, dokumentet deri më tani, nuk zbulojnë ndonjë akuzë të re, të fortë për Epstein, dhe as të padëgjuara për bashkëpunëtorët e tij. Princi Andreë akuzohet se ka ngacmuar një grua, akuzë që ai e mohon. Emra të tjerë të përmendur në dokumente përfshijnë këngëtarin e ndjerë Michael Jackson dhe magjistarin David Copperfield, edhe pse nuk flitet për ndonjë sjellje anormale të tyre.