Kancelari gjerman, Olaf Scholz ka bërë thirrje të hënën për unitet mes Evropës dhe Shteteve të Bashkuara sa i përket përgjegjësisë dhe garantimit të sigurisë për Ukrainën. Komentet ai I bëri pak prë pas qëndrimeve të mbajtura nga ana e zyrtarëve amerikanë të cilët kërkuan që BE të mos ishte pjesë e konsultave për përfundimin e luftës në Ukrainë. “Nuk duhet të ketë ndasi për sigurinë dhe përgjegjësinë në mes të Evropës dhe SHBA-së. Me fjalë tjera, NATO-ja funksionon mbi faktin se ne veprojmë gjithmonë së bashku dhe ndajmë rrezikun, dhe kështu edhe garantojmë siguri. Kjo nuk duhet të vihet në pikëpyetje”, nënvizoi Scholz për gazetarët, pas mbajtjes së një samiti urgjent evropian në Paris. Pjesë e takimit ishte dhe kryeministri britanik Keir Starmer, shefja e Komisionit Evropian, Ursula von der Leyen, shefi i NATO-s, Mark Rutte, dhe presidenti francez, Emmanuel Macron.