Panairi i dytë i librit në Shëngjin bëri bashkë shkrimtarë, poetë, botues dhe dashamirës të letërsisë, në një aktivitet që synon ta afrojë librin edhe më shumë me pushuesit gjatë sezonit turistik. Poeti Preç Zogaj dhe botuesi Frano Kulli u ndalën tek sfidat me të cilat përballet sot bota e botimeve, si dhe nevoja për të folur më shumë për librin përballë zhvillimit të teknologjisë. Aktiviteti me temë “Letërsia përtej kufinjve”, u organizua nga Bashkia Lezhë Pjesë e veçantë e panairit ishte promovimi i krijimtarisë së tre autorëve të lidhur me jetën letrare shqiptare në Greqi: Thanas Medi, Brikena Qama dhe Armela Hysi, të cilëve iu kushtua tema e këtij edicioni, “Letërsia përtej kufinjve”. Ndërsa morën pjesë edhe poetet Mimoza Ahmeti dhe Rita Petro, si dhe shkrimtarë nga Lezha, Kosova dhe qytete të ndryshme të Shqipërisë.