Kryeministri izraelit Benjamin Netanyahu u zotua të hënën për një përgjigje "të ashpër" ndaj një sulmi vdekjeprurës që vrau të rinjtë në Lartësitë e aneksuara të Golanit, ndërsa diplomatët përpiqeshin të frenonin përshkallëzimin midis Izraelit dhe Hezbollahut. Gjatë një vizite në vendin e sulmit me raketë që vrau 12 fëmijë në qytetin Majdal Shams, Netanyahu tha: "Shteti i Izraelit nuk do dhe nuk mund ta lërë këtë të kalojë. Përgjigja jonë do të vijë dhe do të jetë e ashpër." Izraeli dhe Shtetet e Bashkuara kanë fajësuar për sulmin Hezbollahun e Libanit të mbështetur nga Irani, i cili ka shkëmbyer zjarr pothuajse çdo ditë me forcat izraelite që nga fillimi i luftës së Gazës në fillim të tetorit. Ministri i Jashtëm libanez Abdallah Bou Habib tha se çd oveprim I izraelit do të marrë përgjigjen e merituar. "Izraeli do të përshkallëzohet në një mënyrë të kufizuar dhe Hezbollahu do të përgjigjet në një mënyrë të kufizuar... Këto janë garancitë që kemi marrë," tha Bou Habib në një intervistë me transmetuesin lokal Al-Jadeed. Shtetet e Bashkuara, Franca dhe të tjerët po përpiqeshin të frenonin përshkallëzimin, shtoi ai, ndërsa kryeministri libanez Najib Mikati tha se "bisedimet po vazhdojnë me palët ndërkombëtare, evropiane dhe arabe për të mbrojtur Libanin dhe për të shmangur rreziqet". Hezbollahu ka mohuar përgjegjësinë për sulmin me raketa Majdal Shams, megjithëse grupi pretendoi sulme të shumta në pozicionet ushtarake izraelite atë ditë.