Drejtori i policisë në Qarkun e Elbasanit, Fatmir Hoxha ka dhënë dorëheqjen, por dorëheqja e dorëzuar prej tij është refuzuar nga drejtori i Përgjithshëm i Policisë së Shtetit, Ilir Proda. Revokimi i dorëheqjes është bërë me motivacionin e rezultateve të larta të arritura gjatë fundvitit të kaluar në drejtorinë e policisë së Elbasanit, kryesisht në goditjen e grupeve të shpërndarjes së drogës në qytet, por edhe në goditjen rasteve të prostitucionit. Ndërkohë, lëvizje ka pasur edhe në tre qarqet Durrës, Korçë dhe Lezhë. Policia njofton se Vilson Bala largohet nga drejtimi i Durrësit dhe emërohet drejtor policie në Qarkun e Korçës. Në Durrës është caktuar përkohësisht drejtues Afrim Tafa, ndërsa Islor Islami po përkohësisht do të drejtojë policinë në qarkun e Lezhës, duke zëvendësuar Altin Menën, që u transferua në një tjetër detyrë në qarkun e Kukësit.