Partia e ekstremit të djathtë në Itali, Fratelli d’Italia, që mendohet se do të fitojë zgjedhjet e së dielës, ka pezulluar një nga kandidatët e saj pasi ai lëvdoi Adolf Hitlerin në mediat sociale. Sipas reuters, në një postim në Facebook në vitin 2014, Calogero Pisano, një koordinator partie në Agrigento në Siçili, e krahasoi udhëheqësen e partisë Giorgia Meloni me "një burrë shteti të madh të 70 viteve më parë". Ai shtonte madje se po fliste për një “gjerman” dhe jo për Benito Musolinin. Pisano ka shprehur po ashtu mbështetje edhe për presidentin rus Vladimir Putin.