Top News – Letra me 18 firma për Lindita Nikollën/ Porti i Durrësit, koha për deputetët 10 minuta

Deputetët demokratë që mbështesin Berishën bashkuan firmat me Partinë e Lirisë për Portin e Durrësit. Në adresë të kryetares së kuvendit, Lindita Nikolla u depozitua një letër zyrtare me 18 firma deputetësh të opozitës, ku kërkohet heqja e kufizimit të së drejtës të deputetëve për të folur lidhur me projektin e investimit strategjik të Portit të Durrësit. Në letër kërkohet heqja e limiti kohor prej 6 orësh si dhe dhënia e të drejtës së fjalës prej10 minutash për çdo deputet në lidhje me këtë çështje. Deputetët argumentojnë se për shqyrtimin e marrëveshjes për ‘Jahte Marina Durrës’është përcaktuar një limit kohor jo më shumë se 6 orë, pra çdo deputet mund të flasë rreth 3 minuta.