Ekipi i parë rus që përdori raketat hipersonike Kinzhal, që lëshohen nga ajri, gjatë atij që moska vazhdon ta quajë një operacion i posacëm në Ukrainë, është nderuar me medalje shtetërore – raportoi agjencia shtetërore ruse e lajmeve, Tass, të hënën. “Avionët Su-34 përdorën raketat hipersonike Kinzhal gjatë operacionit të posacëm ushtarak”, citoi Tass një burim ushtarak anonim. “Ekipi i parë që përfundoi me sukses detyrën, u vlerësua me medalje shtetërore”. Rusia i quan veprimet e saj në Ukrainë një operacion ushtarak special. Kievi dhe aleatët thonë në anën tjetër se agresioni i nisur 18 muaj më parë ëhstë një luftë e paprovokuar që ka si qëllim grabitjen e tokave. Moska ka thënë shumë pak deri më tani për raketat balistike Kinzhal, por ushtria ukrainase thotë se Rusia i përdor shpesh ato. Agjencia e lajmeve Tass ndërkohë nuk ka thënë se kur rusia i përdori raketat kinzhal për të parën herë në Ukrainë. Ministria ruse e mbrojtjes tha në mars se raketat ishin përdorur për të shkatërruar shënjestra në ukrainë. Kinzhal është një nga gjashtë armët e gjeneratës së re që vetë Vladimir Putini i prezantoi me bujë të madhe në një fjalim në mars të 2018-ës.