Një destrojer i Koresë së Veriut, që u dëmtua gjatë lancimit të dështuar muajin e kaluar, u lëshua me sukses në det në një përpjekje të dytë, nën sytë e liderit Kim Jong Un, thanë mediat shtetërore të premten. Një ceremoni për anijen që u pagëzua me emrin Kang Kon, sipas një gjenerali të lartë të Koresë së Veriut të vrarë në luftën e viteve 1950-53, u mbajt të enjten në kantierin detar Rajin, në bregun ku ndodhi edhe përpjekja e dështuar, sipas Agjencisë Qendrore Koreane të Lajmeve të Phenianit. "Pak më shumë se dy javë nga aksidenti, anija u ngrit dhe u lëshua në det në mënyrë të sigurt, dhe sot, siç ishte planifikuar, restaurimi i plotë ka përfunduar," tha Kim Jong un, sipas KCNA. Ai gjithashtu tha ka miratuar një plan për të ndërtuar edhe dy luftanije të tjera të këtij lloji, vitin e ardhshëm.