Zyrtarët në Turqi thonë se 113 fletë arresti janë lëshuar në lidhje me ndërtimin e godinave që u shembën në tërmetin e të hënës. Policia turke ka arrestuar ndërkohë 12 persona, përfshirë kontraktorë ndërtimi. Ndërkohë, zemërimi në turqinë jugore është rritur duke penguar edhe përpjekjet e shpëtimit në disa zona. Numri i personave që janë konfirmuar tashmë si viktima të tërmeteve në turqi dhe siri është rritur në më shumë se 28 mijë. Akoma më shumë arrestime priten por aksioni po shihet nga shumëkush si një përpjekje për të devijuar fajin për katastrofën.