Moska tha të martën se kishte kapur disa tanke gjermane leopard dhe mjete te blinduara amerikane Bradleys, duke publikuar imazhe që tregonin trupat ruse që mbikqyrnin pajisjet që i janë dhënë Ukrainës nga vendet perëndimore. “Tanke Leopard dhe mjete të blinduara të këmbësorisë Bradleys. Këto janë trofetë tona. Pajisjet e forcave të armatosura të Ukrënës në rajonin e Zaporizhias”, tha ministria ruse e mbrojtjes në një deklaratë. “Trupat ruse nga grupi i Vostokut po inspektojnë tanket armike dhe mjetet e blinduara të kapura në betejë”. Kievi i ka kërkuar aleatëve të tij në perëndim ti japin një seri pajisjesh ushtarake moderne për të ndihmuar forcat ukrënase të rimarrin nën kontroll pjesë të mëdha të territorit të kontrolluar nga forcat ruse. Ministria e mbrojtjes tha se disa prej mjeteve të kapura kishin motorë ende funksionalë, cka sugjeron se këto beteja të supozuara kanë qenë të shkurtra dhe se trupat ukrainase ishin larguar nga pozicionet e tyre mbrojtëse.