Shqipëria po përjeton një fluks rekord të turistëve këtë të huaj, ndërsa në letra një tjetër fluks tregon trendin e braktisjes së vendit. Vetëm në ditën e parë të gushtit kanë lënë pasaportën shqiptare 55 persona, të cilët kanë zgjedhur të mbajnë një pasaportë tjetër përballë asaj kuqezi. Shifrat janë bërë publike në Fletoren Zyrtare, teksa po sipas këtij dokumenti, 24 qytetarëve të tjerë që kanë shprehur dëshirën për të marrë nënshtetësinë shqiptare u është pranuar kërkesa dhe me firmë të Presidentit të Republikës Bajram Begaj, marrin kështu pasaportën shqiptare. Por teksa tendenca për lënien e shtetësisë shqiptare është në rritje, po e tillë paraqitet edhe ajo marrjen e pasaportës nga shtetasit e huaj. Kjo tendencë vjen përkundër kërkesave për azil politik. Këto kërkesa sipas INSTAT, janë në rënie krahasuar me vitin 2021. Në 2022, 1.527 shtetas morën nënshtetësinë shqiptare, nga 711 vitin e mëparshëm. 81% e tyre ishin nga Kosova, të tjerët nga Italia, Turqia e Siria.