Lulzim Basha i rikthyer në krye të Partisë Demokratike zyrtare mblodhi të hënën në orën 17:30 Kryesinë e partisë, nga ku vendosi mbarimin e anëtarësisë së Gazment Bardhit. Vendimi i Kryesisë së Lulzim Bashës në unanimitet, vjen pas debateve të forta që Gazment Badhi pati me këtë të fundit në seancën parlamentare të së enjtes. Lulzim Basha e konsideroi Bardhin si pjesë e aleancës së kullave e non gratave, teksa ky i fundit si përgjigje e akuzoi se menjëherë pas zgjedhjeve të humbura të 2021, Lulzim Basha dhe familjarë të tij, kishin marrë 2 kate në një nga kullat më të shtrenjta të Tiranës. Kaq ka mjaftuar që beteja të zhvendosje në organet e të partisë. Pas këtij vendimi, Gazment Bardhi ka zgjedhur të injorojë me heshtje vendimin në fjalë, teksa nuk e pranon Lulzim Bashën si kryetar, dhe e konsideron procesin e zgjedhjes së tij si antistatutor dhe të parregullt.