Ndërsa presidenti amerikan njoftoi arritjen e një amrëpushimi mes Izraelit dhe Iranit, ministri I mbrojtjes izraelite, Israel Katz akuzoi Teheranin se e ka shkelur plotësisht pasi ka lëshuar të tjera raketa disa orë pas hyrjes në fuqi të marrëveshjes, ai tha se ka udhërdhuar ushtrinë që të rifillojë sulmet ndaj caqeve parailitare dhe qeveritare në Iran. Por nga ana tjetër Tehernai mohoi që të ketë sulmuar izraelin pas arritjes së paktit të armëpushimit. Pranimi i marrëveshjes nga të dyja palët mëngjesin e së martës erdhi pasi Teherani bëri sulmin e fundit raketor ndaj Izraelit, si pasojë e të cilët humbën jetën katër njerëz në orët e hershme të mëngjesit të së martës, ndërkohë që Izraeli kreu bombardime në të gjithë Iranin para agimit. Kryeministri i Izraelit, Benjamin Netanyahu, tha se Izraeli u pajtua me armëpushimin dypalësh me Iranin, në bashkërendim me Trumpin. Netanyahu tregoi se të hënën në mbrëmje e kishte njoftuar kabinetin e sigurisë së Izraelit se vendi ka arritur të gjitha synimet ushtarake në operacionin 12-ditor kundër Iranit, përfshirë eliminimin e kërcënimit nga programet bërthamore dhe raketore balistike të Iranit. “Izraeli do të përgjigjet me forcë ndaj çdo shkeljeje të armëpushimit”, tha Netanyahu. Ndërkohë presidenti Donald Trump theksoi se amrëmpushimi është në fuqi ndërsa u kërkoi të dyja vendeve që të mos e shkelin atë.