Ndërsa trupat e vladimir Putinit vërshuan në Ukrainë, i ashtuquajturi Fantazma e Kievit u bë një simbol i rezistencës dhe shumë shpejt u quajt hero, në mesin e pretendimeve se asi i fluturimit kishte rrëzuar dhjetëra avionë armiq. Dhe kështu, ukrainasit u dëshpëruan kur dëgjuan që luftëtari trim mund të ishte vrarë në luftime, pas një propagande për pilotin e maskuar që rrëzonte avionët rusë. Javën e shkuar, Fantazma e Kievit mori një emër. Atë të 29 vjecarit Stepan Tarabalka, që vdiq në luftime më 13 mars. Ai, u nderua pas vdekjes me medaljen më të lartë ukrainase për trimëri në luftime, Urdhërin e Yllit të Artë, dhe me titullin Hero i Ukrainës. Por, forcat ajrore ukrainase, thonë tani se Tarabalka nuk është Fantazma e Kievit pasi e vërteta për pilotin mit, nuk ishte shumë e qartë. Ato paralajmëruan se asi është më shumë një karakter se sa një person i vërtetë. Në një postim në facebook, forcat ajrore ukrainase shkruanin: Fantazma e kievit ëhstë një legjendë, një superhero, karakteri i të cilit u krijua nga Ukrainasit. Mesazhi i kërkonte njerëzve të verifikonin burimin e informacionit para se ta shpërndanin atë dhe nënvizonte se Tarabalka, nuk ishte fantazma e Kievit dhe se ai nuk kishte rrëzuar 40 avionë. Postimi e përshkruante asin fluturues si një imazh kolektiv të pilotëve të forcës ajrore të brigadës taktike të aviacionit, që mbrojnë qiejt mbi kryeqytetin e vendit, dhe jo si një pilot i vetëm.