Seanca e fundit parlamentare për këtë vit nisi me përplasje jo vetëm mes mazhorancës dhe opozitës, por edhe mes vetë deputetëve të dalë nga sigla e Partisë Demokratike. Në fillim të seancës, deputeti Flamur Noka i kërkoi llogari kryetares së Kuvendit, Lindita Nikolla se pse ishte lënë jashtë grupit parlamentar të Partisë Demokratike. Sipas tij, vendimi ishte antiligjor, antikushtetuese dhe në shkelje të rregullores së Kuvendit. Për këtë, Noka u shpreh se do të ngrinte një padi ndaj Nikollës në Gjykatën Kushtetuese.