Presidenti Joe Biden pritet të shpallë një masë të re gjithëpërfshirëse që do të mbrojë nga dëbimi dhjetëra mijëra persona të martuar me shtetas amerikanë, një masë e fortë mbi emigracionin, në këtë vit zgjedhor, e cila ishte kërkuar nga shumë demokratë. Sipas tre burimeve që janë informuar mbi planet e Shtëpisë së Bardhë, Presidenti Biden do ta shpallë programin e ri në një aktivitet në Shtëpinë e Bardhë, për të shënuar programin e administratës së presidentit Obama që u ofronte mbrojtje nga dëbimi emigrantëve të rinj pa dokumente. Kjo masë e re do të bëjë të mundur për rreth 490,000 bashkëshortë apo bashkëshorte të shtetasve amerikanë që të apikojnë për një program emigrimi i cili do t'i mbrojë nga dëbimi dhe do t'u japë atyre mundësinë të kenë një leje pune nëse kanë jetuar në SHBA për të paktën 10 vjet, thanë dy burime për agjencinë Associated Press.