Kryetari i lëvizjes “Vetëvendosje”, Albin Kurti nuk e ka komentuar gatishmërinë e deklaruar nga Lidhja Demokratike e Kosovës për koalicion paszgjedhor qeveritar. Duke dalë nga një aktivitet ku ishte i pranishëm në cilësinë e kryeministrit në detyrë, ai nxitoi të hipte në makinë, pa thënë asnjë fjalë për gazetarët që e pyetën për këtë zhvillim. Por, kryetarja e partisë Guxo, Donika Gërvalla, thotë se është koha për t’u ulur me partitë opozitare dhe për të diskutuar seriozisht koalicionet. Sipas saj, duhet të hiqet dorë nga mentaliteti bllokues. Gërvalla për opozitën: Koha me u ulë dhe të diskutohet seriozisht e të hiqet “Është koha me u ulë dhe të diskutohet seriozisht dhe të hiqet dorë nga mentaliteti bllokues. Qytetari e ka thënë fjalën e vet për herë të tretë, e ka thënë fjalën e vet qartë. Fituesi i këtyre zgjedhjeve po shihet, po presim rezultatet zyrtare, po presim certifikimin e tyre dhe po dua të besoj që ishte hera e fundit që shkojmë në zgjedhje të panevojshme dhe joracionale e jo të kuptueshme për qytetarët... Sipas saj, opozita po sillet njësoj si më parë dhe ka ardhur koha për ndryshim.