Ministri i Jashtëm rus, Sergei Lavrov, tha se është i hapur për të diskutuar me Sekretarin amerikan të Shtetit, Antony Blinken, rreth këmbimit të të burgosurve. Blinken tha të mërkurën se Uashingtoni i ka ofruar Rusisë një marrëveshje që parashikon kthimin në shtëpi të basketbollistes amerikane, Brittney Griner, dhe amerikanit tjetër të burgosur, Paul Ëhelan. Një zyrtar i afërt me këto zhvillime, tha se Qeveria amerikane i ka propozuar Rusisë këmbimin e Ëhelan dhe Griner, me rusin e dënuar për tregti armësh, Viktor Bout. Duke folur gjatë një vizite në Uzbekistan, Lavrov tha se Ministria e Jashtme ruse ka marrë një kërkesë zyrtare për një bisedë telefonike, pasi Blinken e bëri publike deklaratën. Kryediplomati rus u shpreh se është i gatshëm të diskutojë sapo të kthehet në Moskë dhe se po përcaktohet tani koha e bisedës. Lavrov ka thënë se është i hapur për të diskutuar këmbimin e të burgosruve, ndonëse Ministria e Jashtme nuk ka qenë e përfshirë në diskutimet e kaluara për këtë çështje. “Do ta dëgjoj se çfarë ka për të thënë”, tha Lavrov.