Një zyrtar izraelit u shfaq me laps e letër në dorë duke mbajtur shënime nëpër sallën gjysmë të boshatisur të Asamblesë së Përgjithshme të OKB gjatë fjalimit të kryeministrit, Benjamin Netanyahu. Mbi 77 delegacione braktisën sallë në momentin kur mori fjalën Netanyahu, në shenjë proteste për ofensivat e Izraelit në Gaza, Bregun Perëndimor, Liban dhe Siri. Në anën tjetër, anëtarët e delegacionit izraelit qëndruan në sallë dhe duartrokitën gjatë fjalimin e Kryeministrit të tyre, i cili i quajti frikacakë ata që u larguan nga salla. Por, kundërpërgjigja izraelite nuk u mbyll me kaq. Një anëtar i delegacionit të Izraelit shënoi në fletë të gjitha vendet që bojkotuan fjalimin e Netanjahut. Shënimet ndoshta mund të shërbejnë për orientimin e politikës së jashtme izraelite ndaj këtyre vendeve.