Vetëm disa orë pasi Matt Gaetz, tërhoqi nominimin për postin e prokurorit të Përgjithshëm të Shteteve të Bashkuara, presidenti i zgjedhur i Shteteve të Bashkuara, Donald Trump, njoftoi se do ta nominojë Pam Bondin për t’u emëruar. Bondi, ka qenë mbështetëse e zëshme e Trumpit, me përvojë të gjatë në sundimin e ligjit dhe në të kaluarën ka shërbyer si prokurore e Përgjithshme e Floridës. Ajo ka qenë gjithashtu pjesë e ekipit mbrojtës të Trumpit gjatë gjykimit të parë kundër tij. Po ashtu Bond ndihmoi në udhëheqjen e krahut ligjor të Institutit për Politika “America First”, një organizatë personeli i të cilës ka punuar ngushtë me fushatën e Trumpit për të ndihmuar në ndryshimin e politikave për administratën e tij të ardhshme. Bagazhi i Bondit dallon shumë me atë të Gaetzit, i cili ka shumë pak përvojë tradicionale për një prokuror të përgjithshëm. Trumpi njoftoi në rrjetet sociale se e zgjodhi Bondin, për përvojën e saj në prokurori, sepse sipas tij ajo është e ashpër ndaj krimeve si prokurorja e parë e përgjithshme grua e Floridës.