Ashtu siç edhe para e pas zgjedhjeve të 14 majit OSBE/ ODIHR takoi përfaqësues të Rithemelimit, pritet që në ditët në vijim, ekspertët e saj të zhvillojnë takim edhe me përfaqësuesit e Bardhit e Berishës. Burime bëjnë me dije se teksa PD e Bashës i qëndron propozimeve dhe draftit të publikuar më 23 nëntor, PD e Rithemelimit ende po punon për një draft final. Nga ana tjetër Partia Socialiste ka prezantuar platformën e saj për përmbushjen e rekomandimeve të OSBE/ ODIHR për zgjedhjet, teksa pranon të ndërhyjë në kodin zgjedhor për të adresuar këto problematika apo rekomandimet e bëra. Në platformën e bërë publike me 17 pika, ku përfshihen rekomandimet e ODIHR dhe zgjidhjet e ofruara nga PS, kjo e fundit bie dakord që t’i adresojë ato, teksa prej 2 ditësh zhvillon takime me ekspertët e ODIHR.