Pas përfundimit të foltores të Sali Berishës, kryeministrisë ju drejtua edhe Adriatik Lapaj, i cili shmangu protestat me muzikë, ndriçim e podium dhe në mënyrë simbolike u ul në një karrige përpara godinës qeveritare i vetëm. Lapaj shfaqet i vendosur që të kalojë ditët dhe netët në vijim përpara kryeministrisë, derisa Rama të japë dorëheqjen. Lapaj: “Sot kam ardhur të nis një protestë përballë Edi Ramës, i cili duhet të dorëhiqet, i cili ka marrë në sulm drejtësinë dhe në datën 12 Gjykata Kushtetuese do të duhet të shprehet, unë sot po nis një protestë këtu. I ftoj të gjithë. Është simbolikë kjo nisje vetëm dhe do të jem këtu ditë-natë pa ndalim. Jo duke ik në shtëpi, jo duke ngrënë dreka, duke parë televizor e duke ardhur këtu njëherë në aq, nga sot do të vazhdojmë dhe uroj që këtu të ketë qindra qytetarë në vijim.” Në orët e vona të natës, Lapaj pati një tjetër komunikim me qytetarët në rrjetet sociale ku akuzon shefin e ekzekutivit Edi Rama për presion ndaj Gjykatës Kushtetuese. Lapaj: “çfarë duhet të bëjë më shumë një kryeministër që të hapë krahun sesa të kërcënojë Gjykatën Kushtetuese? E bën kështu si djalë i mirë, sikur ashtu, sikur kështu, po kërcënon gjykatën kushtetuese, ju thotë nëse ju nuk ma ktheni në punë Ballukun na pengoni qeverisjen. Uaa po pse nuk e shkarkon ai atë?