Top News – ‘Land Roverat e qiellit’ në Ukrainë / Britania dërgon ‘Sea King’, ‘në pension’ nga 2018

Ministria britanike e mbrojtjes ka njoftuar se Britania do të dërgojë helikopterë në Ukrainë për të parën herë që nga fillimi i luftës. Sekretari britanik i mbrojtjes, Ben Ëallace tha se do të ushte hera e parë që mjete fluturuese me pilot do të dërgoheshin në vendin që është nën agresionin rus. SIpas BBC, tre helikopterë Sea King do ti jepen Kievit dhe i pari ka mbërritur tashmë në destinacion. Vec tyre, britania e madhe do të dërgojë edhe 10 mijë predha artilerie dhe armatime të tjera për të ndihmuar Ukrainën që të mbrojë tokat e saj. Marina mbretërore britanike ka trajnuar tashmë prej gjashtë javësh pilotët dhe inxhinierët ukrainas që do të përdorin helikopterët Sea Kings. Më herët ndërkohë vendi i kishte siguruar kievit edhe 1 mijë raketa tokë ajër dhe 125 armë anti ajrore. Helikopterët Sea King janë mes më të famshmëve në forcat ajrore britanike dhe marinën britanike. Ata njihen ndryshe edhe si Land Roverat e qiejve apo gjigandët e gjelbër të forcave ajrore. Helikopterët janë përdorur gjerësisht në luftën në ishujt Falklands, në bosnje dhe irlandën e veriut por edhe në Irak dhe Afganistan. Princi Uilliam në britaninë e madhe ka pilotuar një helikopter Sea King gjatë shërbimit të tij pranë forcave ajrore mbretërore në britani nga viti 2010 deri në 2013-ën.