Një numër në rritje njerëzish evitojnë lajmet e rëndësishme si pandemia e koronavirusit, pushtimi rus i Ukrainës dhe krizën e kostos së jetesës, sipas një raporti të publikuar së fundmi. Ndërsa pjesa më e madhe e të anketuarve, ndjekin lajmet në mënyrë të rregullt, 38 për qind e tyre thanë se shpesh ose me raste, evitojnë lajmet; shifër në rritje kjo nga 29 për qind që ishte në 2017-ën. Sondazhi është kryer nga Instituti Reuters për studimet e gazetarisë. Sipas tij, 36 e të anketuarve nën 35 vjec, thonë ndërkohë se lajmet përkeqësojnë humorin e tyre. Besimi tek lajmet po ashtu po bie dhe shifra më e zymtë vjen nga SHBA. Mesatarisht 42 për qind e të anketuarve thanë se ata i besojnë lajmeve në pjesën më të madhe, por shifra ka shënuar rënie në thuajse gjysmën e vendeve në të cilat është kryer hulumtimi dhe është rritur vetëm në shtatë prej tyre.