Në kanë, pas duartrokitjeve dhe palmës së artë që iu dha në mënyrë surprizë gjatë premierës së Indiana Jones dhe Kuadratit të fatit, Harrison Ford ka folur para shtypit. Pasi ka mbushur tashmë 80 vjec, dhe kthehet edhe një herë në petkat e arkeologut aventurier me filmin e pestë të sagës, Ford po e ndjen me sa duket peshën e moshës, pavarësisht se duket shumë më i ri në pamje. “Ishte shumë e bukur kur isha i ri, tani jam i vjetër...” thotë ai. Personazhi i Indiana Xhons, tani do të dalë në pension. “Është e dukshme. Kam nevojë të rri ulur dhe të pushoj pak”, ka thënë ai duke shpjeguar: E adhuroj punën timë, adhuroj këtë personazh dhe adhuroj cfarë ka sjellë në jetën time...por mosha bën të vetën – ka thënë ai. Harrison Ford më pas falenderon publikun që e ka mbështetur në gjithë këto vite. Dhe në fakt, mosha është vetëm një numër në pasaportën e tij, sepse karriera e yllit të Blade Runner, Luftës së yjeve, indiana xhons dhe shumë tituj të tjerë, është një rast studimi.