Ministri i Brendshëm, Besfort Lamallari paralajmëroi efektivët e policisë që tolerojnë, apo më keq ende bashkëpunojnë në aktivitete kriminale se do të përballen me ligjin. Lamallari - Jeni në dijeni për vizitën time në Sarandë, ku nga hetimet paraprake, u bë e mundur goditja e një rasti të dyshuar paligjshmërie, ku punonjës policie bëhen palë me krimin. Bregdeti, nga veriu në jug, mbrojtja e territorit është pasuri kombëtare. Duhet të kemi hetim të thelluar.Do të ketë operacione në çdo cep të bregdetit. Nga IKMT janë marrë 67 gjoba, në një vlerë prej 122 milionë lekë, vetëm për një muaj. Sigurisht nga gjobat, kalojmë edhe në referim apo ndjekje penale”, tha Lamallari, duke theksuar se mbrojtja e territorit është prioritet absolut i qeverisë shqiptare. Nuk do të neglizhohet asnjë rast, kushdo që shkel uniformën do të përgjigjet një për një para ligjit”, paralajmëroi Lamallari referuar kështu arrestimeve të fundit. Lamallari foli edhe për masat e shtuara policore në territor, sidomos në zonat turistike për të garantuar një sezon sezon të qetë dhe të sigurt.