Kryetari i Bashkisë së Tiranës, Erion Veliaj vizitoi familjet e Lagjes së re që po rindërtohet në Pezë. Përveç shtëpive të reja, për 25 familjet të dëmtuara në lagjen e re po kryhen dhe të gjitha punimet infrastrukturore për komunitetin e ri të kësaj zone. Veliaj: “Shumica e njerëzve që kanë kontribuuar kërkojnë të mbeten anonim, të mos dalin në publik, por këta njerëz meritojnë të gjithë mirënjohjen dhe të gjithë dashurinë tonë. Kështu që, kudo qofshin, në Zvicër, në Australi, në Kanada, në Amerikë, në Argjentinë, në Japoni, nëse dikush ka dhënë një qindarkë, për ne këta janë donatorë më të rëndësishëm se vendet, se kombet, se industritë e mëdha që mund të kenë dhënë një pjesë të vogël të kontributit,” Veliaj falënderoi të gjithë donatorët që u vunë menjëherë në lëvizje për të ndihmuar të dëmtuarit e tërmetit.