Gjashtë ditë para zgjedhjeve të 11 majit, strategu amerikan i fushatës së Partisë Demokratike, Chris LaCivita nuk ishte i pranishëm në mitingun në Tropojë. Në mungesë të tij, këshilltari Phil Griffin mbajti fjalën ku kërkoi mbështetje për kryetarin e Partisë Demokratike, Sali Berisha. Phil Griffin: “Unë jam në politikë prej 20 vitesh. Nuk kam njohur asnjë politikan që ka punuar më shumë se Dr. Berisha. Por ai nuk mund ta bëjë këtë i vetëm. Tani është koha që ju të bëni pjesën tuaj. Duhet të flisni me miqtë tuaj, me fqinjët, me familjen tuaj, duhet të bëni që të gjithë të dalin e të votojnë.”