‘Kapet rreth gjysmë ton kokainë në Shqipëri, 10 të arrestuar’. Ky titull ka shoqëruar faqet kryesore të disa mediave ndërkombëtare. Bëhet fjalë për operacionin e pak ditëve më parë në Frakull të Fierit, ku u sekuestruan 430 kilogramë kokainë. “Shqipëria dikur ishte një prodhues i madh evropian i marijuanës dhe një udhëkryq për kontrabandën e saj. Një goditje e qeverisë tetë vjet më parë çoi në një reduktim të ndjeshëm të numrit të plantacioneve të kanabisit, megjithëse konfiskimet e rregullta tregojnë se trafikantët po kërkojnë ende vende alternative për të rritur ose ruajtur marijuanën dhe janë bërë pjesë e rrjeteve ndërkombëtare që trafikojnë drogra të tjer., shkruajën mediat e huaja. Ngarkesa u importua nga Kolumbia në shtator, fillimisht u ndal në Selanik të Greqisë dhe më pas u shkarkua në Bar të Malit të Zi. Nga atje u transportua në rrugë tokësore me kamionë drejt Shqipërisë, shkruhet në artikujt e huaja, duke cituar autoritetet shqiptare. Arrestimet erdhën pas operacionit anti-drogë nga SPAK, DEA amerikane dhe policia malazeze, ku në një banesa e cila ishte përshtatur në laborator droge, u sekuestruan qindra thasë të plehrave kimikë, ku brenda tyre kishte përmbajtje kokaine dhe fishekësh. Policia dha detaje të hollësishme rreth operacionit, ndërsa bëri me dije se sasia e kokainës kapte vlerën 430 kg, ndërsa u sekuestruan 15,910 Euro; 3 armë zjarri automatik kallashnikov; 3 armë zjarri të llojit pistoletë; 108 copë fishekë luftarake të kalibrave të ndryshëm; 18 aparate telefonash celulare; 5 automjete; 2 laptop dhe 2 armë gjahu.