Evgjeni Prigozhin, ish i burgosur dhe udhëheqës i një rrjeti të restoranteve ka rritur kompaninë private mercenare Ëagner dhe është bërë figurë kyçe në Rusi - pas nisjes së luftës në Ukrainë - por edhe kritik i palodhshëm i komandës ushtarake ruse. Ai ka shmangur kritikat e drejtpërdrejta ndaj Vladimir Putinit, pasi Presidenti rus është njeriu që ndoshta i dha dorën më të madhe të ndihmës që e fuqizoi dhe dora që të ushqen nuk kafshohet. Lindur më 1961 në atë që atëherë është quajtur Leningrad në adoleshencë është kapur dhe dënuar për vjedhje. Më pas, aktivitetin kriminal e diversifikon në grabitje të armatosur dhe trafik fëmijësh. U lirua nga burgu në vitin 1990, ku hapi së bashku me njerkun një dyqan përpunimi mishi, që rezultoi i suksesshëm. Ende është e paqartë se kur janë krijuar lidhjet e para mes Prigozhinit dhe Putinit, ndonëse si sipërmarrës në Shën Petersburg, gjasat janë që të jenë takuar në kohën që Putin ishte kryebashkiak në këtë qytet.