Partia Demokratike e mbështetur edhe nga partitë aleate në opozitë, ka thirrur protestë kombëtare që do të mbahet këtë të enjte. Preotesta e parashikuar për të nisur në orën 20:00, ka në synim kundërshtimin e politikave të qeverisë në të gjithë sektorët. Për datën e mbajtjes së kësaj proteste u dhanë 3 versione, ku fillimisht deputetët dhanë datën 13, që është ditë e shtunë, por që në mbledhjen e Kryesisë, do të arrihej dakordësi për t’u mbajtur më datën 12 gusht, të premten. Por pa kaluar disa orë, edhe kjo datë u ndryshua, pasi aso kohe ende nuk kishte një vendim për mandatin e ish-kryeministrit Berisha, dhe për shkak se e enjtja ishte ditë parlamenti, data u korrigjua dhe përfundimisht u vendos data 11 korrik. Por këtë të enjte Kuvendi nëpërmjet një njoftimi është informon se nuk do të ketë seancë, pasi konsiston të jetë java e gjelbërt, ku deputetët presupozohet të kenë takime me zgjedhësit. Në këtë kuadër, seanca e Javës së gjelbër do të mbahet të hënën. Mbetet për tu parë sesi do të zhvillohet protesta e opozitës e thirrur para kryeministrisë, që poashtu synon kundërshtimin e masës së sigurisë ndaj Berishës. Demokratët e konsiderojnë si një arrestim politik, përçka kërkojnë lirimin e tij.