Me 96 vota pro dhe asnjë kundër Kuvendi miratoi marrëveshjen ndërmjet Këshillit të Ministrave të Republikës së Shqipërisë dhe Kolegjit të Evropës, për hapjen e degës së Kolegjit të Evropës në Tiranë.” Me ratifikimin e kësa marrëveshjeje, Kolegji i Evropës do të hapet për vitin akademik 2024-2025 për 31 të rinj, që do të nisin studimet pasuniversitare, me programin e studimit: “Transformimi dhe Integrimi Europian: Bashkimi Europian dhe Europa Juglindore. Po ashtu në kuvend u miratuan me 72 vota edhe ndryshimet në ligjin “Për karrierën ushtarake në Forcat e Armatosura të Republikës së Shqipërisë”. Ligj ky që synon rritjen e meritokracisë barazisë dhe efektivitetit në Forcat e Armatosura të Republikës së Shqipërisë, si disa nga shtyllat kryesore në të cilat mbështetet kjo forcë. Në votim kaloi edhe projektligji për prefektin e qarkut që mori 71 vota pro, duke I dhënë kështu më shumë hapësirë dhe rol funksionit të prefektit në nivel vendor.