Partia Socialiste depozitoi ndryshime në ligjin për komisionet hetimore, në një moment kur refuzimi i kërkesave të opozitës për ngritjen e këtyrë komisioneve është kthyer në mollë sherri mes pozitës dhe opozitës. Deputetja Ermonela Felaj, prezantoi nismës e socialistëve, e cila do të trajtohet së bashku me dy propozime të tjera, të ardhura nga Edmond Spaho dhe Jorida Tabakut. Për socialistët vetëm një person nuk është i ftuar në tryezën e diskutimeve për këtë nismë ligjore. Sinkron Felaj: “Me non gratën sigurisht që nuk do të takohemi, me atë nuk do të takohemi, kushdo nga opozita dëshiron të hyjë në mbledhje të komisioneve, patjetër që do të ulemi do të diskutojmë, me atë jo. Për shkak të rregullores jemi të detyruar që këtë nismë ta diskutojmë së bashku me dy nisma të tjera të tyre.”