Gjykata Kushtetesue ka zbardhur vendimin e plotë në ngarkim të kryebashkiakut Erion Veliaj, të cilin e pranoi pjesërisht. Pas vendimit të parë, me të cilin konstatoi cenimin e standardeve kushtetuese në lidhje me shkarkimin nga detyra të Kryetarit të Bashkisë së Tiranës, trupa gjykuese ka argumentuar se përse vendosi që ta rikthejë edhe njëherë çështjen për rishqyrtim në Gjykatën e Lartë. “Gjykata vlerëson se pretendimet e kërkuesit për cenimin e aspektit substancial të lirisë personale, në drejtim të proporcionalitetit të masës së sigurimit personal të lidhur edhe me të drejtën për t`u zgjedhur dhe me dinjitetin janë të bazuara, për sa i përket mungesës së arsyetimit në këtë drejtim nga Gjykata e Lartë, ndaj kërkesa pranohet pjesërisht”, kanë argumentuar katër nga gjyqtarët. Në vendim Kushtetuejsa thotë gjithashtu se Kushtetuesja thotë se Gjykata e Lartë nuk ka ushtruar një kontroll kushtetues efektiv mbi masën e sigurisë, nuk ka analizuar proporcionalitetin e saj në raport me funksionin publik të ushtruar nga kërkuesi, dhe se nuk ka vlerësuar në mënyrë konkrete alternativat ndaj paraburgimit.