Gjykata Kushtetuese shtyu për më 11 korrik seancën për shpalljen të paligjshme të dhënies së parkut arkeologjik të Butrintit me arsyetimin se deputetja e PD-së, Ina Zhupa nuk kishte autorizimin për të përfaqësuar 36 deputetët firmëtarë të opozitës në këtë çështje. Opozita thotë se ligji që kalon parkun nën menaxhimin e fondacionit të përbashkët mes Ministrisë së Kulturës dhe Fondit Shqiptaro-Amerikan të Zhvillimit ka një mori shkeljesh. Janë 13 shkelje me vendim gjykate, të konventave ndërkombëtare, asaj të Parisit dhe të Kartës së Qeverisjes vendore. Sot nisim me besimin e plotë se Gjykata Kushtetuese do të japë verdiktin për të mbrojtur identitetin kombëtar. Opozita thotë se marrëveshja mundëson që çdo zbulim i ri në këtë park të tjetërsohet, heq kompetencat shtetërore të kontrollit të këtij parku në kundërshtim me Konventën e Parisit si dhe i heq buxhetit të ardhura prej miliona dollarësh në vit.