Hoxha: “Kam ardhur këtu sot për të transmetuar atë që ka theksuar qartë Kryeministri Rama: kush prek Kosovën, prek Shqipërinë.” Ky ishte mesazhi i qartë që përcolli nga Prishtina shefi i diplomacisë, Ferit Hoxha pas takimit me homologun e tij, Glauk Konjufca, ku u diskutua për thellimin e bashkëpunimit dypalësh dhe rrugëtimin drejt Bashkimit Europian. Hoxha qartësoi se Shqiëpria nuk do pranojë dhe as tolerojë asnjë cënim të qytetarëve dhe institucioneve të Kosovës, teksa Konjufca u shpreh se Tirana zyrtare do të duhet të jetë zëri i Prishtinës në arenën ndërkombëtare. Konjufca: “Për Kosovën, mbështetja e Shqipërisë në procesin drejt BE është shumë e nevojshme, e rëndësishme, e falenderoj ministrin Hoxha që kjo po ndodh vazhdimisht por gjithmonë është e mirëpritur edhe një dinamikë e re. Shqiëpria po e bën progresin e saj final drejt BE por duhet të kërkojmë së bashku që edhe Kosovës ti jepet një mundësi e tillë. Shqipëria krahas avancimit të vetë, do i bierë barra të jetë edhe zëri i Kosovës gjithmonë në këtë process.”