Të parët që kanë reaguar pas vdekjes së presidentit iranian, Ebrahim Raisi, kanë qenë Hamasi, Hezbollahu, Rusia etj, të gjithë pjesë e të ashtuquajturit Boshti i Rezistencës kundër Izraelit dhe aleatëve të tij perëndimorë. Presidenti rus Vladimir Putin, në një deklaratë të lëshuar nga Kremlini, e përshkroi Raisin "si një mik të vërtetë të Rusisë". Irani ka furnizuar Rusinë me municione dhe dronë për pushtimin e saj të Ukrainës. Hamasi e cilësoi Raisin si një 'mbështetës të madh e të nderuar' të grupit. Hamasi tha se vlerëson 'mbështetjen e Raisit për rezistencën palestineze dhe përpjekjet e palodhura në solidaritet' me palestinezët që nga fillimi i luftës Izrael-Hamas në Gaza. Irani e ka përshëndetur sulmin e 7 tetorit që shkaktoi luftën në gaza, duke e quajtur atë një 'sukses', por mohoi çdo përfshirje të tij. Dhe vetëm pak kohë më parë, erdhi edhe përballja e parë direkte e Iranit me Izraelin, me të dyja vendet që sulmuan shënjestra respektive.