Vladimir Putin është një figurë vetmitare që e ka cuar ushtrinë ruse tani në një luftë shumë të rrezikshme që kërcënon të rrënojë ekonominë e vendit të tij. Ai rrallë herë është parë më i izoluar se në dy shfaqjet e tij të fundit me rrethin e tij të ngushtë, ku ai ulet në distancë të dukshme nga këhsilltarët më të ngushtë. Si kryekomandant, përgjegjësia finale e pushtimit i bie atij, por Putin është mbështetur gjithnjë në një rreth besnikësh, shumë prej të cilëve i kanë nisur po ashtu karrierat në shërbimet ruse të sigurisë. Cështja është kë ka dëgjuar ai në këtë moment dramatik të presidencës së vet. I pari në listë është Sergei Shoigu, ministri rus i mbrojtjes, i besuar i hershëm, që ka ravijëzuar linjën e Putinit për demilitarizimin e Ukrainës dhe mbrojtjes së rusisë nga ai që kremlini e quan, kërcënim ushtarak nga perëndimi. Shoigu është njeriu që e shoqëron Putinin në gjah, peshkim dhe udhëtimet e tyre në siberi dhe shihet si një pasues i mundshëm.