Mediat serbe kanë zbuluar identitetin e policëve të marrëm peng të mërkurën në brendësi të territorit të Kosovës, duke publikuar edhe pamje nga momenti i kapjes së tyre nga xhandarmëria serbe Ata u arrestuan në territorin e Kosovës, në afërsi të Leposaviqit në rrugë ilegale. Gazeta, serbe “Novosti”, raporton se policët e rrëmbyer janë Rifat Zeka, Beqir Sefa dhe Mustafa Shemi. Ministria e Punëve të Jashtme dhe Diasporës nga ana tjetër përsëriti apelin për qytetarët e Republikës së Kosovës që të shmangin kalimin nëpër territorin e Serbisë dhe të përdorin rrugë alternative për udhëtim. Ministria thekson se arrestimet janë bërë më të shpeshta kohëve të fundit. Për këto arrestime është njoftuar edhe Delegacioni i BE-së dhe misionet tjera diplomatike në Serbi si dhe po ashtu është dërguar shkresë zyrtare edhe tek Zyra Ndërlidhëse e Serbisë në Kosovë.