Vrasja e shqiptarit Ergys Dashi në Ekuador vijon të jetë në vëmendjen e mediave të huaja por edhe shqiptare, ndërsa hetimet nuk kanë ndaluar që prej mbrëmjes së 22 janarit, kur edhe ndodhi ngjarja e rëndë. Media ekuadoriane “El Univeso”, edhe njëherë ka kthyer në vëmëndje vrasjen e Dashit ku referuar lajmit të publikuar në mediat online shqiptari ka qenë I akuzuar për prostitucion dhe zotërim të armëve, por autoritetet në Ekuador nuk kanë hapur ndonjëherë dosje hetimore pë të. Zyra e Prokurorit të Përgjithshëm të Ekuadorit konfirmoi se organizatat narko-kriminale të lidhura me mefian europiane operojnë në Ekuador dhe se tanimë për Ekuadorin është një sfidë kontrolli i qytetarëvë që vijnë nga Europa Lindore për të qëndruar aty. Nga ana tjetër, nënsekretari i Emigracionit në Ekuador Fausto Olivo shprehet se vendi i tij po përpiqet të regjistrohet në programin dixhital “ATS Global” për të kontrolluar profilin e pasagjerëve të huaj që udhëtojnë drejt Ekuadorit, ku në këtë mënyrë mund të evidentohet dhe parandalohet futja e personave të cilët kanë probleme me drejtësinë në Ekuador. Kurse prokurori, Cesar Pena shton se trafikantët e drogës nga Europa po kërkojnë qytete bregdetare si Guajakili me porte dhe aeroporte për të lehtësuar transportin e lëndëve narkotike.