Seanca gjyqësore për rastin “Banjska” ndaj të akuzuarve Blagoje Spasojeviq, Vladimir Toliq dhe Dushan Maksimoviq është ndërprerë, për shkak të mungesës së dëshmitarit anonim "A2" të Prokurorisë Speciale. Kryetari i trupit gjykues, Arben Hoti, bëri të ditur se për datën 18 korrik ishte parapshikuar dëgjimi i këstij dëshmitari të propozuar nga Prokuroria, dhe se seanca nuk do të vazhdojë me dëshmitë e dëshmitarëve të tjerë. Seanca do të vazhdojë të hënën në orën 09:30, i cili do të jetë sërish dëshmitar anonim. Deri më tani janë dhënë disa dëshmi në këtë rast nga zyrtarë policor për sulmin terrorist në Banjskë. Prokuroria Speciale e Kosovës më 11 shtator 2024 ka ngritur aktakuzë kundër Milan Radoiçiç dhe 44 të tjerëve për sulmin terrorist të 24 shtatorit 2023 në Zveçan, ku mbeti i vrarë rreshteri policor Afrim Bunjaku. Të pandehurit ngarkohen për veprat penale kryerja e veprës terroriste, veprat e rënda kundër rendit kushtetues dhe sigurisë së Republikës së Kosovës, lehtësimi dhe financimi në kryerjen e terrorizmit dhe shpëlarja e parave.