Paratë mund të mos ju blejnë lumturinë, por të gjithë kanë ëndërruar të jenë të pasur në një moment të jetës së tyre. Bota ka numëruar dhjetëra miliarderë, të cilët ndërrojnë vendet herë pas here në listën e personave më të pasur në botë. Po kush është renditja e më të pasurve që ka njohur planeti? MANSA MUSA renditet në vendin e parë si personi më i pasur në tokë. Ai ishte sundimtar i vendit afrikan të Malit dhe pasuria e tij vinte nga prodhimi i kripës dhe arit. Pasuria e tij neto do të ishte vlerësuar 410 miliardë dollarë në ditët e sotme. Në vendin e dytë është John D. Rockefeller, amerikani i vetëm më i pasur që ka jetuar ndonjëherë dhe miliarderi i parë i vendit. Ai ishte manjat nafte dhe themeloi kompaninë më të madhe të quajtur Standard Oil në vitin 1870, por më pas u tërhoq dhe dhuroi para për shkollat dhe spitalet. Rockefeller kishte një pasuri neto prej 400 miliardë dollarë.