Dhjetë ditë nga publikimi i Skandalit seksual të ish-kryebashkiakut të Kukësit Safet Gjici, që solli edhe dërheqjen e më pas shkarkimin e tij nga qeveria, socialistët kanë nsisur punën për zgjedhjen e kandidatit që do t’i përfaqësojë në zgjedhjet e parakohëshme. Burime të Top News bëjnë me dije se 4 janë kandidatët që përfliten për Kukësin, teksa 2 prej tyre janë edhe emrat më të përfolur. Granit Gjana, aktualisht mban postin e nënkryetarit të Bashkisë Kukës, por ushtron përgjegjësitë e kryetarit pas largimit të Gjicit; si dhe Albert Halilaj, ish-drejtor i Tatimeve për Kukësin, një personazh i dalë nga radhët e Partisë Socialiste. Halilaj poashtu flitet se ka mbështetje edhe nga radhët e demokratëve, pasi ish-kryetari i kësaj Bashkie, Hasan Halilaj, i dalë nga radhët e demokratëve e përkrah. Dy emrat e tjerë të përfolur janë Astrit Dobrushi dhe Ali Hallaçi.