Kryeministri I Kosovës, Albin Kurti, ka zbardhur detaje nga takimet në Bruksel dhe dakordësia e dhënë prej tij për të nënshkruar marrëveshjen për Asociacionin e Komunave me shumicë serbe. Sipas Kurtit, dakordësia përfshin një klauzolë, që pavarësisht vendimit të jetë Gjykata Kushtetuese ajo që do të legjitimojë ose jo marrëveshjen. SINK“Por në të dy rastet edhe me 27 shkurt në Bruskel edhe me 18 mars në Ohër, pala serbe, përkatësisht presidenti i Serbisë ka refuzuar që ta nënshkruajë marrëveshjen. Ndonëse ka thënë që e pranon marrëveshjen edhe është dakord me tekstin e saj, me përmbajtjen e saj. Unë nënshkrimin e marrëveshjes e ofrova edhe në samitin e procesit të Berlinit në Tiranë me 16 tetor, ku Serbia e cila përfaqësohej me kryeministren gjithashtu refuzoi, sikurse presidenti i Serbisë. Ndërkaq në takimin e 21 tetorit nga emisarët amerikanë dhe evropianë na është thënë që drafti për vet menaxhim që e kanë sjellë është shkruar me kujdes ndaj shkronjës dhe strukturës së kushtetutës dhe ligjeve të Republikës së Kosovës. Dhe që në qoftë se do të nënshkruhej aty parashihej që ta kontrollonte Gjykata Kushtetuese menjëherë, pra që Gjykata Kushtetuese jep vlerësimin e saj për kushtetutshmërinë e këtij propozimi si përgjigje”.